Մենեջմենթ Քոնսալթինգը («ՄԵՆԵՋՄԵՆԹ ՔՈՆՍԱԼԹԻՆԳ» ՍՊԸ) գնահատման ընկերություն է, որը համախմբում է բազմամյա գործնական փորձ, խորքային մասնագիտական գիտելիքներ և տարբեր բարդության գնահատման առաջադրանքների իրականացման կարողություններ։
Մեր գործունեությունը ներառում է անշարժ գույքի (բնակարաններ, առանձնատներ, հողամասեր, կոմերցիոն տարածքներ), ավտոմեքենաների և այլ շարժական գույքի, բիզնեսի, բաժնեմասերի, ոչ նյութական ակտիվների և այլ գույքային իրավունքների գնահատումը՝ կիրառելով ժամանակակից մեթոդաբանություններ և միջազգային մասնագիտական լավագույն փորձը։
Ծառայություններ ենք մատուցում ֆիզիկական և իրավաբանական անձանց, մասնավոր և կորպորատիվ հատվածի ներկայացուցիչներին, ֆինանսական կազմակերպություններին, ներդրողներին, ինչպես նաև պետական և տեղական ինքնակառավարման մարմիններին։
Մենք համոզված ենք, որ գնահատման իրական արժեքը ոչ միայն որոշված արժեքն է, այլև դրա հիմքում ընկած վերլուծության որակը, հիմնավորումների արժանահավատությունը և եզրահանգումների մասնագիտական պաշտպանելիությունը։